MKAZI wa Mtaa wa Mpanda Hotel wilayani Mpanda katika Mkoa wa Katavi, Nzego Vicent (33) amejinyonga hadi kufa kwa kutumia kamba ya katani huku akimlalamikia mkewe kwa kumnyima unyumba kwa siku tatu mfululizo bila kupewa sababu zilizomridhisha.

Mashuhuda wakiwemo baadhi ya majirani wa wandoa hao kwa masharti ya kutoandikwa majina yao gazetini, walidai kabla ya kujinyonga, Vicent ambaye alikuwa ametoka kunywa pombe za kienyeji, alifika nyumbani kwake saa 6:20 usiku na kumtaka mkewe ampe unyumba.

Majirani hao walidai kuwa mke wa marehemu, Agnes Nicodemu alilalamikia mumewe kuwa hakuwa tayari kumpatia unyumba kutokana na shughuli alizokuwa amezifanya mchana kutwa na kumsihi avumilie hadi siku itakayofuata kwa kuwa alikuwa amechoka sana.

“Siku mbili mfululizo mama huyo kutokana na kuelemewa na kazi nzito za shamba na nyumbani kwake ambazo alikuwa akizifanya kuanzia alfajiri hadi usiku wa manane, aliendelea kumsihi mumewe ambaye alikuwa akirudi nyumbani usiku kuwa amechoka,“ alidai mama mmoja jirani na wanandoa hao.

Inadaiwa kuwa baada ya Vicent kujibiwa hivyo kwa siku tatu mfululizo hakuridhika na madai hayo ya mkewe ndipo alipoanza kumshutumu kuwa ana uhusiano wa kimapenzi na wanaume wengine.

Inadaiwa siku ya tatu, Vicent alimshambulia mkewe huyo kwa kumpiga sehemu mbalimbali za mwili wake huku akimtolea maneno ya kumtisha kuwa lazima atamuua kwa mapanga iwapo ataendelea kuwa mkaidi katika unyumba.

Kwa mujibu wa Kamanda wa Polisi Mkoa wa Katavi, Dhahiri Kidavashari, baada ya kuona kipigo kimezidi mwanamke huyo alikimbia nje ili kukwepa kipigo na mumewe naye alitoka nje ya nyumba yao akiwa ameshikilia mashoka mawili na kwenda kusikojuliakana na kuiacha nyumba ikiwa wazi.

Ilipotimu saa 12:30 alfajiri, mwanamke huyo alifuatwa na majirani waliomweleza kuwa mumewe amejinyonga kwa katani jirani na nyumba waliyokuwa wakiishi ndipo alipoandamana nao hadi eneo hilo na kumuona akiwa amening’inia juu ya mti.

Nagu naye chali CCM

ILE methali ya mwosha huoshwa imejidhihirisha mkoani Manyara katika mwendelezo wa uchaguzi wa CCM na jumuiya zake.

Hali hiyo imejitokeza kwa Waziri wa Nchi Ofisi ya Waziri Mkuu, Uwekezaji na Uwezeshaji, Dk Mary Nagu, ambaye hivi karibuni ‘alimwosha’ Waziri Mkuu wa zamani, Frederick Sumaye katika uchaguzi wa wajumbe wa Halmashauri Kuu ya Taifa (NEC) ya chama hicho.

Wakati maji hayajakauka katika mwili wa Sumaye ambaye juzi alilalamikia uchaguzi huo kugubikwa na rushwa, Dk Nagu naye ‘ameoshwa’ katika kinyang’anyiro cha kutetea nafasi aliyokuwa nayo ya ujumbe wa Baraza Kuu la Umoja wa Wanawake Tanzania (UWT) kupitia mkoa wa Manyara.

Katika uchaguzi huo kati ya kura halali 391 zilizopigwa, Dk Nagu alipata 139 huku mpinzani wake, Martha Umbulla ambaye pia ni Mbunge wa Viti Maalumu mkoa wa Manyara, akiibuka kidedea kwa kupata kura 252.

Akizungumza na waandishi wa habari Jumamosi iliyopita, msimamizi wa uchaguzi huo, Ndengasso Ndekubali ambaye pia ni Katibu wa CCM wa Mkoa, alisema katika uchaguzi huo, kura tisa ziliharibika.

Katika uchaguzi huo wa ujumbe wa NEC kupitia Wilaya ya Hanang, ambako Nagu aliibuka kidedea dhidi ya Sumaye, kati ya kura 1,129 zilizopigwa, alipata kura 648 dhidi ya 481 za Waziri Mkuu huyo wa zamani.

Akizungumza Dar es Salaam juzi na waandishi wa habari, Sumaye alidai kuwa kilichomwangusha katika uchaguzi wa NEC, ni rushwa aliyoiita ya mtandao.

Alidai kuwa uchaguzi huo uliompa Dk Nagu ushindi, uligubikwa na matumizi makubwa ya rushwa, vitisho, uharamia, kuhamishwa kwa wapiga kura usiku na maovu mengine.

Katika uchaguzi wa ujumbe wa Mkutano Mkuu wa CCM Taifa, Anna Jorojiki alishinda kwa kupata kura 199 dhidi ya Bahati Moses aliyepata kura 150.

Ndekubali alisema pia aliyekuwa Mbunge wa Viti Maalumu Mkoa wa Manyara kati ya mwaka 2005 na 2010, Dora Mushi, alimwangusha Elizabeth Malley katika nafasi ya Mwenyekiti wa UWT wa Mkoa, akitetea nafasi hiyo baada ya kuishikilia kwa miaka 10.

Alisema kati ya wanachama wa UWT 400 waliopiga kura za kuchagua Mwenyekiti wa UWT Mkoa, wanachama 17 kura zao ziliharibika na kati ya kura halali 383 zilizopigwa, Mushi alipata 238 na Malley 145.

Akizungumza na waandishi baada ya kushinda nafasi hiyo, Umbulla ambaye pia ni Mkuu wa Wilaya ya Kiteto, alishukuru wanachama wa UWT kwa kumchagua na kuwataka wavunje kambi na vikundi ili kupanua wigo wa kujenga na kudumisha chama.

Alisisitiza, kwamba hakuna mbinu yoyote aliyotumia kumshinda Dk Nagu ila wanawake hao walikumbuka mambo aliyoyafanya kwenye nafasi yake.

Alisema wanawake wa Manyara wanajua nini amewafanyia kupitia nafasi yake ya ubunge wa viti maalumu na aliwashukuru kwa kumwona kuwa anafaa kwani asingewaelewa wasingemchagua.

Kidato cha nne wakosa mitihani

TAKRIBANI wanafunzi 97 wa sekondari ya Seeke, wilayani Kahama mkoani Shinyanga hawatafanya mitihani ya kumaliza kidato cha nne, kutokana na kukosa fomu za maendeleo ya mwanafunzi akiwa shule ya msingi (TSM 9).

Hali hiyo ilijitokeza jana wakati wanafunzi hao wakisubiri kuingia katika vyumba vya mitihani. Wakizungumza na gazeti hili, wanafunzi hao walidai fomu hizo walizijaza na kulipa ada ya mitihani na kuongeza kuwa wanashangaa kuona jana wakizuiwa kuingia chumba cha mtihani.

“Aliitwa Mwalimu Mkuu Msaidizi, Daniel Mtuli ambaye alitaja majina ya wanaotakiwa kufanya mtihani huku wengine wakiachwa katika orodha hiyo,” alidai mmoja wa wanafunzi hao.

Alidai katika orodha hiyo, wanafunzi 53 waliochaguliwa kuingia katika chumba cha kufanyia mitihani kati ya wanafunzi 150 wanaotakiwa kufanya mitihani hiyo hali ambayo ilisababisha wanafunzi 97 kutofanya mtihani huo jana.

“Mimi nina siku nne tangu nikabidhiwe ofisi hii na Ofisa Elimu Sekondari wa Wilaya ya Kahama, Joseph Gwasa na nilipokabidhiwa, nilipewa maelekezo kuwa ni wanafunzi 53 ndio wanaopaswa kufanya mtihani huo wa kidato cha nne,” alisema Mtuli alipohojiwa kuhusu utata huo.

Mtuli alisema Mwalimu Mkuu wa Shule hiyo, Emmanuel Maduhu alisimamishwa kazi katika shule hiyo tangu Oktoba 3 kwa sababu hizo hizo.

Alielezea kusikitika kuona wanafunzi hao wakipoteza muda wao wa miaka minne na kuambiwa jana kuwa hawawezi kufanya mitihani yao ya kumaliza elimu ya sekondari.

Wanafunzi hao walipofika katika ofisi ya Ofisa Elimu Sekondari wa Wilaya, kujua hatima yao ya kufanya mitihani, hawakuonana naye kwa madai kwamba alikuwa na kazi nyingi.

Kutokana na hali hiyo, wanafunzi hao waliamua kuandamana hadi Ofisi ya Mkuu wa Wilaya ya Kahama, Benson Mpesya kupinga kitendo cha kuzuiwa kufanya mitihani. Juhudi za kumpata Mpesya kwa njia ya simu ili kujua hatma ya wanafunzi hao, zilishindikana kwa kuwa simu yake ilikuwa haipatikani.

Wakati hayo yakitokea Shinyanga, Katibu Mtendaji wa Baraza la Mitihani Tanzania (NECTA), Dk Joyce Ndalichako, alisema mitihani hiyo ya kidato cha nne, ilianza vizuri bila matatizo na wanafunzi hao jana walianza na masomo ya Uraia na Kiingereza.

“Ni mapema mno kuzungumzia hali halisi, lakini mpaka sasa mambo ni mazuri ingawa baadaye kupitia taarifa za wasimamizi, tunaweza kukuta taarifa za udanganyifu na mambo mengine ya changamoto,” alisema Dk Ndalichako.

Gazeti hili lilitembelea baadhi ya shule za Dar es Salaam zikiwamo za Salma Kikwete, Manzese, Jitegemee na Makongo na kukuta wanafunzi wakifanya mitihani yao kwa utulivu huku wasimamizi wakidai kutokuwapo na mushkeli wowote.

Hata hivyo, katika sekondari ya Manzese Mkuu wa Shule, aliyekataa kutaja jina lake aliwajia juu waandishi wa habari kwa kuingia ndani ya shule hiyo na kuhoji hali ya mitihani huku akidai kuwa hiyo si kazi yao kama wanataka kujua wakamwulize Ndalichako.

“Nasema hivi, mimi sijui mmefuata nini? Mnaniuliza mimi kwani mimi ndiye nafanya mtihani, kasubirini huko kwa Mkurugenzi wa Elimu au kwa Ndalichako hapa hamruhusiwi,” alisema kwa jazba.

Sumaye: Sina vita yoyote na Lowassa "Akanusha kufanya kuzungumza na CHADEMA" Adai kuanguka NEC ni tiketi ya mapambano zaidi

WAZIRI Mkuu mstaafu, Bw. Frederick Sumaye, amekanusha uvumi uliosambaa katika baadhi ya vyombo vya habari kuwa ametangaza vita na Waziri Mkuu aliyejiuzulu Bw. Edward Lowassa kama atachukua fomu ya kuwania urais kwa tiketi ya Chama Cha Mapinduzi (CCM).

Alisema taarifa hizo hazina ukweli wowote bali ni za kutungwa kwani hajawahi kuzungumza lolote juu ya Bw. Lowassa, wala kuzungumza na mtu yeyote kuhusu jambo hilo.

Bw. Sumaye aliyasema hayo Dar es Salaam jana katika mkutano wake na waandishi wa habari ili kufafanua masuala mbalimbali likiwamo suala la rushwa katika uchaguzi wa kuwania Ujumbe wa Halmashauri Kuu (NEC), Jimbo la Hanang', mkoani Manyara.

Alidai kushangazwa na jinsi habari hizo zilipotokea na akawataka waandishi wa habari kuwa makini na wasikubali kutumiwa na wanasiasa wanaosaka urais 2015.

“Kuna baadhi ya magazeti yaliandika Sumaye kulipua bomu, mengine Sumaye kupasua jipu na kibaya zaidi, hivi majuzi gazeti moja likaandika Sumaye atangaza vita na Lowassa, ninachosema mimi sina jipu wala bomu la kulipua.

“Mimi sina ugomvi na Lowassa, hata nikiamua urais 2015 sitafanya hivyo kwa ajili ya mtu bali kwa masilahi ya Taifa,” alisema.


Kuteta na CHADEMA

Bw. Sumaye pia alishangazwa na habari iliyoandindwa na gazeti moja (bila kukitaja jina), kikidai alitetea (kufanya mazungumzo), na viongozi wa Chama cha Demokrasia na Maendeleo (CHADEMA).

“Sijawahi kuzungumza na CHADEMA kuhusu kuhamia chama chao, hata kama ningetunana nao, ufike wakati wapinzani wasionekane kama maadui.

“Habari hiyo ni ya kutengeneza pamoja na picha iliyowekwa mbele ya gazeti nikiwa na Mbowe ili nionekane nateta naye, namuomba Mwenyezi Mungu jambo hili lifahamike ni uvumi tu ili tusije tukaiingiza nchi katika matatizo,” alisema Bw. Sumaye.

Uchaguzi NEC Hanang'

Akizungumzia kuhusu uchaguzi huo, katika Jimbo la Hanang', Bw. Sumaye alisema alipoteza nafasi hiyo kwa sababu uchaguzi huo ulitawaliwa na vitendo vya rushwa hivyo kumuathiri kwa
kiasi kikubwa.

Alisema mbali wajumbe kupewa rushwa pia yalikuwepo makundi aliyoyahita ya 'kiharamia', ambayo yalikuwa yakiwahamisha wajumbe nyakati za usiku ili wasipige kura.

“Mambo yaliyotokea Hanang', yalijitokeza sehemu nyingi lakini tofauti ni kwa ukubwa gani na nani yalimkuta,” alisema.

Aliongeza kuwa, pamoja na kwamba vitendo vya rushwa vilikuwepo siku za nyuma, safari hii hali ilionekana kuwa mbaya zaidi kwa sababu ya mitandao iliyokuwa ikisambaza fedha katika maeneo mbalimbali ili kuwang'oa wanasiasa hasa wanaokemea maovu.

Alisema zamani watu walikuwa wakienda wenyewe na kutoa fedha kwa wakazi wa eneo husika ili wachaguliwe lakini sasa hali hiyo imebadilika ambapo baadhi ya watu aliodai kuwa wanasaka urais kinguvu, wamejenga mtandao wa kununua wapiga kura.

“Kwa sasa kuna mtandao wa kuonga wapiga kura tofauti na ilivyokuwa zamani ambapo mtu alikuwa akienda eneo husika na kuwapa fedha wapiga kura ili wachaguliwe,” alisema Bw. Sumaye akinukuu baadhi ya hotuba alizowahi kuzitoa katika matukio mbalimbali akikemea vitendo vya rushwa.

Hata hivyo, alipobanwa na waandishi wa habari kama anaweza kuutaja mtandao huo na eneo ambalo wajumbe walipewa rushwa Bw. Sumaye alikataa kata kata kuzungumzia zaidi suala hilo.

“Pamoja na kufanyiwa vitendo hivi, sitafikisha malalamiko yangu katika vikao vya chama wala kukata rufaa kwani yaliyojitokeza yalikuwa yakifahamika pia itaonekana nipo ndani ya CCM
kwa ajili ya vyeo.

“Mimi ni mwana CCM, nina imani na chama changu ambacho kiliunganishwa na vyama vya TANU na ASP, sipo ndani ya chama kwa ajili ya kutaka vyeo,” alisema Bw. Sumaye na kuongeza;

“Rushwa haizalishwi na demokrasia bali tunaizalisha wenyewe kwa sababau zetu za kijinga, nchini Marekani na Uingereza kuna demokrasia, mbona hatusikii vitendo hivi,” alihoji Bw. Sumaye.

Alisema kama wapiga kura wasipokuwa makini, Taifa litaambulia viongozi waliochaguliwa kwa nguvu za fedha badala ya utashi wa wananchi wenye haki ya kuchagua kiongozi wanayempenda.

Bw. Sumaye alisema katika nchi zenye demokrasia, wapiga kura huchagua kiongozi wanayempenda na mwenye uwezo lakini katika nchi zilizopondeka kwa rushwa, fedha ndio inayochagua viongozi
na kazi ya wapiga kura ni kupiga mihuri tu.

Alihadharisha hali hiyo na kudai kuwa, nchi nyingi zimeingia katika machafuko kutokana na chaguzi za aina hiyo na kushauri wale wanaopiga kelele kukemea vitendo hivyo vya rushwa waungwe mkono badala ya kusakama.

Aliwashauri viongozi ndani ya CCM, wajirekebishe kabla wananchi hawajachoshwa na hali hiyo na kuamua kuingia mitaani.

“Wananchi watachoshwa na hali hii, hawawezi kuvumilia mambo haya kama yataendelea ipo siku watasema inatosha, wakifikia hatua hiyo hali itakuwa mbaya zaidi,” alisema.

Kuteteleka kisiasa na hatma ya kuwania urais 2015

Bw. Sumaye aliulizwa kuanguka kwake NEC, pengine pamemfanya ateteleke kisiasa na kuathirika katika mbio za kuwania urais 2015, ambapo akijibu swali hilo alisema, hali hiyo imemuongezea nguvu na akaahidi kuendeleza mapambano akiwa ndani ya CCM.

“Kuangushwa kwangu ujumbe wa NEC kumenipa nguvu zaidi, wala sijateteleka kisiasa bali nitaendelea kupambana na maovu nikiwa ndani ya chamachangu CCM,” alisema Bw. Sumaye.

Alisema hata akiamua kuwania urais 2015, ingawa bado hajatangaza dhamira hiyo, matokeo hayo yamemrahisishia njia kwani kama angepata ujumbe wa NEC, ingemuwia vigumu kujitosa katika
mbio hizo.

KICHUPA CHAPEWA HIKI HAPA MZIGO UNAITWA BANDIA -- NI MCHIZI KUTOKA KENYA

Msanii - PEWA ABAGENGE
Song - BANDIA
Label - AUDIO KUSINI

Bandia ni neno la kiswahili likiwa na maana ya FEKI mchizi kalitumia kwa kufikisha ujumbe kwa watu bandia waliotuzunguka katika jamii kwa mfano marafiki, wachungaji na hata wanasiasa. Ebana eeh...!! Bonge la mzigo liskilizeni

HISTORIA KUHUSIANA NA MCHIZI

 

PEWA ABAGENGE

NAMES: Emmanuel Wanjala 

AGE: 22

STAGE NAME: PEWA ABAGENGE

MUSIC GENRE: NewSkool Genge

RECORDING LABEL: Audio Kusini

BASE: Nairobi

BACKGROUND INFO;

Pewa was born 22 years ago and was raised in Western Kenya at Webuye. He attended St.Mary’s Kibabii in Bungoma.

MUSIC JOURNEY;

He started rapping back then while in high school. During those days, Pewa used to remix the already established artistes songs and then perform during schools functions. After high school, he joined Audio Kusini Studios which is located at Kahawa Wendani along Thika Road. It’s under the management of Audio Kusini that Pewa has managed to release four tracks; Mwisho WA Mwezi, Kijiji Na Jiji, Nipeni Kura Zenu and recently Cheza Kinanda. He is also set to release more singles and collaborations soon.

ROLE MODELS AND INSPIRATION

Musically, I look up to artistes like Nonini, Prof. Jay and Fid Q (Tanzania) and internationally the likes of Eminem Akcent and Edwards Maya. M y music inspiration is drawn from daily happenings and trends.

DISCOGRAPHY;

1.       KIJIJI NA JIJI feat Blaq Childs

2.       NIPENI KURA ZENU

3.       HIPHOP GENGE  feat by Kaktus

4.       CHEZA KINANDA feat Erica

ASPIRATION

To become among the Africans most influential artistes.

Sikiliza wimbo huu wa CHALII MTOTO WA BIBI aliyemwimba DOGO JANJA kuwa ni DOGO MBUMBUMBU

ZITTO KABWE: 2015 SITAGOMBEA UBUNGE

Baada ya kusikia kupitia vyombo mbali mbali vya habari kuwa Mh mbunge wa Kigoma Mjini Zitto ametangaza kuwania kiti cha uraisi ifikapo mwaka 2015, Zitto ameendelea kusisitiza msimamo wake kupitia mtandao wa jamii wa Facebook
Zitto Kabwe
Narudia, mwaka 2015 sitagombea Ubunge. Nitafanya kampeni ya Urais, ama mimi kama mgombea wa chama changu CHADEMA au kama mpiga debe wa mgombea wa chama changu. Miaka 10 ya Ubunge inatosha na kwa ngazi hiyo ni vema niwaachie wengine wasukume mbele gurudumu la maendeleo ya Jimbo na mkoa wetu. Huu ndio uamuzi wangu wa mwisho na nimeshawaeleza wananchi wa Jimbo langu na mkoa wa Kigoma toka mwaka 2005